الامير143
02-14-2011, 10:54 PM
الياثوم
السلام عليكم ورحمة الله وبركاته
كيفكم ؟وشخباركم؟
موضوع بسيط يأتي وقت نومكم وما اعتقد ما مر عليكم وانا شخصياً جاني عدة مرات الله ستر وسبحان الله
ويسمى: الياثوم
تدرون وشو يعني "الياثوم" أو "عثيوم" الله يسلمكم هو شي غريب، ومزعج يبرك على صدر النايم ويمط لسانه وما يخليه لين ما يطلع عينه من الوجع ويروعه ويقوم بعدها زايغ ومرعوب وحاس باختناق، وتصدقون إللي ياس يم النايم ما يسمعه ولا يدريبه لكن البعيد عنه يسمع صوته، بس إذا حد دخل غفله عالنايم أو سمع صوت عالي أو حركه ينزاح "ياثوم" عنه بسرعه..
واذكر إن أهالينا أيام كانوا يقولون إنه شيطان أو جني صغير واسمه "خنزب" بس بعضهم كان يقول هي احلام تنغص نومنا بسبب المشاكل والهموم والضيق والتقصير في الصلاه والدعاء والنوم بدون وضوء وحتى الأكل الكثير قبل النوم .. وشكله ما يندرى كيف بس ينقال إنا ما نقدر نشوفه كنه دخان ابيض.. وإيينا في الظلام .. وبعض الناس ما يقدرون يتخلصون منه إلا بقراية المطوع .. وترا عندي قصص كثيره عن" الياثوم" أعوذ بالله منه ومن شره، أنا أحيد يوم كنا صغار كنت اسمع قصة ريال كان يارنا وهو شاب صغير توه معرس الله يرحمه ويغفر له .. هالريال كان وايد متأذي ويشكي من" الياثوم" ومحد بالفريج إلا ويعرف قصته.
وأيام العريش كنا نرقد متجمعين في الحوي أو على "السيّم" وكل ما يرقد هالريال ينش مفزوع ومختنق والجيران يلحقون عليه وهو يصارخ من" الياثوم" لأنهم يسمعون صراخه العالي من بيوتهم والبيوت قبل كانت مفتوحه على بعض ومتقاربه .. المهم الريال سار لأكثر من مطوع وقروا عليه وكانت أمه وحرمته يتناوبن على الجلوس بقربه ساعه ما يرقد عشان يقعدوه اذا حست وحده فيهن بشئ غريب وفوق هذا كله صار يرقد وياه مطوع ويقرى عليه.. ارتاح عقبها كم يوم ورجعت حالته مثل قبل وأردى وما عرف المسكين شو يسوي عسب يتخلص من شر "الياثوم" وصار يمشي وهو يهاذي من التعب والخوف وقلة النوم وهجر بيته وأهله وكره فراشه وصار يدوور في السكيك بلا حس وعاش حياته مبتلي بهالحال بس ما طال عمره لانه مات وهو راقد عدال باب بيتهم رغم انه بخير وما يشتكي من مرض بس يقولون انه اختنق من "الياثوم" .. والحين يا عيالي بارك الله فيكم اوصيكم بالطهارة والوضوء قبل النوم وترى طهارة القلب والجسد مهمة وايد ولا تنسون الدعاء والذكر وقراءة القرآن لي تطيب الخاطر وترويح القلب ، وخففوا من الاكل الثقيل بالعشاء حتى ولو المعدة خاليه ابرك يراها من النفخة وقالوها قبل "الواحد يرقد خلي احسن" والله يحفظنا ويحفظكم من "الياثوم" وشره .
******
مندوس الكلمات
· عثيون، الياثوم: يسمى علميا شلل النوم
· يبرك: جلسة البعير حيث يقدم يديه على ركبتيه
· يروعه: يخيفه
· المطوع: رجل الدين
· الحوي: فناء المنزل- الحوش
· ينش: يصحو * عسب: حتى
· يمط: يشد-يسحب * ما يندرى: ما ينعرف
· احيد: أذكر
· العريش: بيوت مصنوع من سعف النخيل
· السيم: سرير مصنوع من أجزاء النخيل
· يقعدوه: يجبروه على الاستفاقة
· يهاذي: يهلوس وهي من الهذيان والهلوسة
· عدال: قرب *نحط: نضع او نضيف
· نشخله: نصفيه * عصوب: بإنفراد
ان شاء الله عجبتكم الحكايه بس مفيده ترا
ابا حماس في ردودكم واكيد مر عليكم مثل هذا ....
السلام عليكم ورحمة الله وبركاته
كيفكم ؟وشخباركم؟
موضوع بسيط يأتي وقت نومكم وما اعتقد ما مر عليكم وانا شخصياً جاني عدة مرات الله ستر وسبحان الله
ويسمى: الياثوم
تدرون وشو يعني "الياثوم" أو "عثيوم" الله يسلمكم هو شي غريب، ومزعج يبرك على صدر النايم ويمط لسانه وما يخليه لين ما يطلع عينه من الوجع ويروعه ويقوم بعدها زايغ ومرعوب وحاس باختناق، وتصدقون إللي ياس يم النايم ما يسمعه ولا يدريبه لكن البعيد عنه يسمع صوته، بس إذا حد دخل غفله عالنايم أو سمع صوت عالي أو حركه ينزاح "ياثوم" عنه بسرعه..
واذكر إن أهالينا أيام كانوا يقولون إنه شيطان أو جني صغير واسمه "خنزب" بس بعضهم كان يقول هي احلام تنغص نومنا بسبب المشاكل والهموم والضيق والتقصير في الصلاه والدعاء والنوم بدون وضوء وحتى الأكل الكثير قبل النوم .. وشكله ما يندرى كيف بس ينقال إنا ما نقدر نشوفه كنه دخان ابيض.. وإيينا في الظلام .. وبعض الناس ما يقدرون يتخلصون منه إلا بقراية المطوع .. وترا عندي قصص كثيره عن" الياثوم" أعوذ بالله منه ومن شره، أنا أحيد يوم كنا صغار كنت اسمع قصة ريال كان يارنا وهو شاب صغير توه معرس الله يرحمه ويغفر له .. هالريال كان وايد متأذي ويشكي من" الياثوم" ومحد بالفريج إلا ويعرف قصته.
وأيام العريش كنا نرقد متجمعين في الحوي أو على "السيّم" وكل ما يرقد هالريال ينش مفزوع ومختنق والجيران يلحقون عليه وهو يصارخ من" الياثوم" لأنهم يسمعون صراخه العالي من بيوتهم والبيوت قبل كانت مفتوحه على بعض ومتقاربه .. المهم الريال سار لأكثر من مطوع وقروا عليه وكانت أمه وحرمته يتناوبن على الجلوس بقربه ساعه ما يرقد عشان يقعدوه اذا حست وحده فيهن بشئ غريب وفوق هذا كله صار يرقد وياه مطوع ويقرى عليه.. ارتاح عقبها كم يوم ورجعت حالته مثل قبل وأردى وما عرف المسكين شو يسوي عسب يتخلص من شر "الياثوم" وصار يمشي وهو يهاذي من التعب والخوف وقلة النوم وهجر بيته وأهله وكره فراشه وصار يدوور في السكيك بلا حس وعاش حياته مبتلي بهالحال بس ما طال عمره لانه مات وهو راقد عدال باب بيتهم رغم انه بخير وما يشتكي من مرض بس يقولون انه اختنق من "الياثوم" .. والحين يا عيالي بارك الله فيكم اوصيكم بالطهارة والوضوء قبل النوم وترى طهارة القلب والجسد مهمة وايد ولا تنسون الدعاء والذكر وقراءة القرآن لي تطيب الخاطر وترويح القلب ، وخففوا من الاكل الثقيل بالعشاء حتى ولو المعدة خاليه ابرك يراها من النفخة وقالوها قبل "الواحد يرقد خلي احسن" والله يحفظنا ويحفظكم من "الياثوم" وشره .
******
مندوس الكلمات
· عثيون، الياثوم: يسمى علميا شلل النوم
· يبرك: جلسة البعير حيث يقدم يديه على ركبتيه
· يروعه: يخيفه
· المطوع: رجل الدين
· الحوي: فناء المنزل- الحوش
· ينش: يصحو * عسب: حتى
· يمط: يشد-يسحب * ما يندرى: ما ينعرف
· احيد: أذكر
· العريش: بيوت مصنوع من سعف النخيل
· السيم: سرير مصنوع من أجزاء النخيل
· يقعدوه: يجبروه على الاستفاقة
· يهاذي: يهلوس وهي من الهذيان والهلوسة
· عدال: قرب *نحط: نضع او نضيف
· نشخله: نصفيه * عصوب: بإنفراد
ان شاء الله عجبتكم الحكايه بس مفيده ترا
ابا حماس في ردودكم واكيد مر عليكم مثل هذا ....