احرج المواقف اللي صادفها اشباح المنتدى

[ملاك الليل]

بسم الله الرحمن الرحيم

هلاا والله :015:
شخباركم عساكم طيبين اشباح المنتدى
تدرون جأ ف بالي موضوع وابي الكل يتفاعل ما اطول عليكم
ببدأ بالموضوع
"شو احرج المواقف الي صادفتها بحياتك "
طبعاااا
ملاكي تقول ف البدايه

[ملاك الليل]

ببدا مباشره

"انا بصراحه مواقفي واايد بس من احرج المواقف اللي مريت فيها وما انساها طول عمري
"كنت رايحه البهجه اكيد كلكم تعرفوه المهم لما نازله من الدرج المتحرك الا وعبايتي تشبك ف الدرج
عااد هنيه الفشله حاولت اشيلها ما رضت والمشكله الدرج يتحرك واختي تضحك علي وما ف بالها صدج شبكت وبعدها شافتني طابقه مكاني شوي واصيح وف نفس الوقت جايتني ضحكه عاااد الاخت جات تساعدني اوين وما شئ فايده المهم قالت(................) احسن ننادي السكيورتي وانا لا لالا فشله لوووول الا بعد دقايق اشوف قولي األسكيورتي قدامي يقولي الاخت تبين مساعده وانا من الحيا راسي ف الارض قالت اختي ايه نبي وعاااد المسكين راح يسكرالدرج المتحرك ويقولي عااادي لو انشقت العبايه واناا عاادي اهم شئ اطلع المهم نادى هذاك الي يصلح ما اعرف شو يسمووه وجاب الادوات وانا مسكينه طابقه ف مكاني المهم شالها وانشقت شوي من تحت
بس لله الحمد نسيت اقولكم حاجه كان لمجمع هادئ ع حظي ومحد شافني لاني كنت ف المواقف التحتيه


يلااااااا نسمع مواقفكم الحين ولي عوده لانه عندي وااايد مواقف

[أعماق الصمت]

ههههههههه الله يعينك ملااااكوه

هع قصي من طول عباتك يالدبه



الحين انا ما اذكر ومواقفي
عسى لي عوده بالموضوع

[الدرة]

سمعو قصتي
مرة رايحين الحديقة انا والاهل وكنت متسانسة مرة وفرحانة ع ضحوك وسوالف وأنا اسولف وأمشي ع وراي ما أشوف عمري غير طابقة ف هندي استحيت مرررررررررررررررررررة وحمر ويهي ما أطن في موقف أحرج عن هذا الموقف لوووووووووووووووووول

[ملاك الليل]

هههههههههههه
فددديتج عاااد ما موقف
وما طبقتي الا ف هندي لو كان لبناني بعد زين ههههههههه امزح لووووووووول

[الدرة]

فديتج لووووووووووووووووول
حظي مقرودة تراني

أهم شي عدت ع خير لووووووووووووووووول

[صدى الاحزان]

انا بقولكم احرج موقف صاري واللي يغمني انه صارلي بالكلية
كنت انا ورباعتي طالعيين عندنا بريك وكنت انا جالس ازيل نعالي من رجولي(يعني اخرج رجولي منها)وفجاء جاء ربيعي من خلفي وشل نعالي وجلس يشوتها ورحت انا اركض معها وجالس امسك وطحت وتجرحت ف ايدي,ع فكرة لما طحت طحت ع شارع وعاد تعرفوا كيف ارضية الشارع,والاكثر من كذا كان خلفنا بنات
هههههههههههههه
بس الحمدلله عدى ذاك اليوم ع خير